Ақтөбе медресе колледжінің кітапханасында “Оқуға құштар колледж” тұжырымдамасын жүзеге асыру мақсатында кітапханашының ұйымдастыруымен шәкірттер арасында “Менің өмірімді өзгерткен кітап” атты эссе байқауы өткізілді. Кітап – адам жанының бөлшегі, ел азығы, сөз сандығы. Ол – рухани байлық, ата – баба аманаты. Әрбір саналы адамның негізгі құндылығы. Кімнің де болмасын шынайы құлшыныс, қызығушылықпен тамсана, таныса оқыған кітабы болады. Байқауға қатынасқан шәкірттер осындай кітаптары бойынша эссе жазды. Эссе мазмұнынан кітаптардың қатысушылардың өміріне ерекше әсер, өзгеріс сыйлағаны көрініп тұрды.

«Оқуға құштар колледж» жобасын іске асыру шеңберінде Ақтөбе медресе колледжінің кітапханасында студенттерді оқуға тарту үшін «Мен оқыдым және сізге кеңес беремін» тақырыбында библио-кросс өткізілді. Библио-кросстың негізгі мақсаты - кітап оқуды насихаттау, оқыған кітаптан қорытынды жасауға үйрену, шығарманы жақсы есте сақтауға және түсінуге көмектесу, сонымен қатар кітапқа деген қызығушылықтарын ояту. Бұл іс-шараға колледж студенттері белсенді қатысты, олар оқыған кітаптары туралы өз әсерлерімен бөлісті, өздері оқыған кітаптарды оқуға кеңес берді. Кітап тек білім көзі ғана емес, сонымен бірге өмірдегі дос, кеңесші.

Ақтөбе медресе колледжінің кітапханасында қыркүйек айының 1-жұлдызында “Адамды адам еткен - кітап, адамзат еткен - кітапхана” тақырыбында ашық есік күні өтті. Ашық есік күнінің мақсаты: қазіргі жас ұрпаққа, студенттерге кітаптың сарқылмас рухани қазына, білімнің кітап арқылы берілетінін ұғындыру, кітаптың адам өміріндегі маңызы, ғылым мен білімнің пайдасы жайлы түсіндіру, кітапқа деген қызығушылықтарын арттыру, оны күтіп ұстауға дағдыландыру, студенттердің білімін арттырудағы ең маңызды, киелі орын кітапхана екенін ұғындыру.