Ақтөбе медресе колледжінің 2-ші және 3-ші курс шәкірттерімен кездесу өтті
Ағымдағы жылдың 16 ақпан күні Ақтөбе медресе колледжінің 2-ші және 3-ші курс шәкірттерімен кездесу өтті. Кездесу барысында Дін мәселелері және қоғаммен байланыс жөніндегі орталығының психологі Н.Разақов шәкірттерді оқу орнын аяқтағаннан кейін елге қызмет етуге, қоғамға пайдасын тигізіп еңбек етуге шақырды.
Аудандық мешітінің бас имамы А.Абдурасулов жастардың ішінен мешітке наиб имам қызметін атқаруға, жалпы діни қызметкерлердің міндеті бойынша түсініктеме берді. Дін мәселелері және қоғаммен байланыс жөніндегі орталығының басшысы Г.Баетова медресе шәкірттеріне теолог, діни қызметкер мен дінтанушы мамандықтарының айырмашылығын түсіндіріп, орталықтың атқаратын жұмыстары туралы ақпарат берді. Кездесу соңында 2-ші курс студенттерінің арасынан Рамазан айында ауданымыздағы шалғайда орналасқан Сарықобда және Ақай ауылдарда практика ретінде діни қызметтерді атқаруға шәкірттер ниеттерін білдірді.
