Болашақ маманның қалыптасуы және бейімделуі
Ақтөбе: Облыстың Бас имамы бітіруші түлектермен кездесті
☑️ Ақтөбе облысының Бас имамы Амантай Садиев Бас мүфти Наурызбай қажы Тағанұлының бағдарлық баяндамасы аясында «Ақтөбе» медресе-колледжінде бітіруші түлектермен кездесті.
🕌 Кездесу барысында облыстың Бас имамы ҚМДБ төрағасының бағдарлық баяндамасына орай түлектерді қызметке тарту және ҚР бекітілген жоғарғы оқу орындарына бағыттау мақсатын толық түсінідірді.
🔉 Сонымен қатар Ақтөбе өңіріндегі кадрларға сұраныстың бар екенін жеткізіп, шәкірттерге білім алу, елге қызмет ету және діни қызметтің жауапкершілігі жөнінде тәжірибесін бөлісті.
📝 Одан өзге облыстық орталық «Нұр Ғасыр» мешітінің ұстазы Талғат Аманов жоғарғы оқу орнына түсуге талаптанып отырған түлектерге алматыдағы «Нұр-Мүбарак» Египет ислам университеті, елордадағы Қазақстан мұсылмандары діни басқармасына қарасты Хусамуддин әс-Сығанақи атындағы ислам институтына баруға кеңес берді.
📌 Кездесу қортындысында түлектер діни қызмет туралы сұрақтар қойып, толыққанды тұщымды жауап алды.
🗒 Айта кетсек, биылғы бітіруші түлектер саны 30-ға жуық.
✍️ Ақтөбе облыстық орталық «Нұр Ғасыр» мешітініің баспасөз қызметі
