Діннің де мақсаты – бейбіт қоғам қалыптастыру, адамзаттың игілігі үшін басты құндылықтарды сақтап, тұлғаның жан-жақты дамуына ықпал ету.
Мемлекет басшысы Қасым-Жомарт Тоқаев мырзаның ел жастарының діни танымы мен түсінігіне алаңдаушылық білдіруі өте орынды. Өйткені түрлі идеологиялық және ақпараттық майданда елдің ертеңі болар жастардың санасын сақтау – жарқын болашақтың кепілі.
Діннің де мақсаты – бейбіт қоғам қалыптастыру, адамзаттың игілігі үшін басты құндылықтарды сақтап, тұлғаның жан-жақты дамуына ықпал ету.
Еліміз бой түзеп, иығын тіктегеннен кейін қазақ жастарын жат идеологияларға тартушы топтардың саны азайған жоқ.
Оң түсінікті қалыптастыру үшін бабаларымыз сан ғасырдан бері ұстанып, түрлі ұлт-ұлыстармен тату-тәтті өмір сүріп, ұлттық құндылықтарды да сақтап қалған Әбу Ханафи мәзһабы мен Матуриди мектебінің негізінде қаланған Қазақстан Мұсылмандары Діни Басқармасына кең қолдау көрсетіп, оны насихаттау қажет.
Жастарымыздың ел үшін еңбек етіп, мемлекеттің іргесін берік ұстайтын азамат болып қалыптасуы үшін барлық білім беру, тәрбие және жастар мекемелерінде негізгі бағытты ұлттық иммунитетті қалыптастыруға, мемлекеттің ажырамас бөлігі екендерін сезіндіруге бағыттауымыз қажет.
