Ақтөбе медресе колледжінің кітапханасында “Оқуға құштар колледж” жобасы аясында “Оқыңыз - бұл қызықты” тақырыбында Бук-слэм (BOOK-Slam) өткізілді. Шараға қыздар бөлімінің 1-курс шәкірттері қатысты. 📚Бук-слэм (BOOK-Slam)—өзіндік кітап жарысы. Қатысушылар бірнеше топқа бөлініп, олардың әрқайсысы кітапты қысқа мерзім ішінде ең үздік түрде жарнамалайды.

Кітап – рухани кемелденудің көзі. Ақылына ақы сұрамайтын ең құнды қазына болып табылатын кітаптың кез келген жанға берері мол. Біздің шәкірттерімізге кітап не беріп жатыр? Қандай кітап оқып жүр? Осы сұрақтардың жауабын білу мақсатында Ақтөбе медресе колледжінің кітапханасында “Қандай кітап оқып жүрсіз?” тақырыбында челлендж түсірілді.

14 ақпан – Халықаралық кітап сыйлау күні. Яғни адамдар бір біріне құрмет пен сыйластықтың белгісі ретінде сыйлыққа кітап ұсынатын күн. Бұл мерекенің мақсаты: барлық кітап сүйер қауымды кітап оқуға шақырып, жылылық пен мейірімге толы лебіздер айтып, сол арқылы жас ұрпақтың кітап оқуға деген ынтасын арттыру.

Ақтөбе медресе колледжінің кітапханасында “Оқуға құштар колледж” тұжырымдамасын іске асыру шеңберінде оқырмандарды көркемдік және рухани тәрбиелеу мақсатында «Кітап кино әлемінде» тақырыбында виртуалды көрме ұйымдастырылды. х Көрменің негізгі мақсаты — қазақ классиктерінің көркем әдебиеттерін насихаттау, ұмыт бола бастаған туындыларды қайта оқуға шақыру, оқырмандардың кітапқа деген қызығушылықтарын арттыру.

Ақтөбе медресе колледжінің кітапханасында “Оқуға құштар колледж” жобасын іске асыру аясында “Не? Қайда? Қашан?” тақырыбында интеллектуалды сайыс өтті. Шараның мақсаты: шәкірттерге оқу танымдық тәрбие беру. Ойларын жүйелі, еркін, шапшаң жеткізе білуге дағдыландыру. Топтық жұмыс істеуге, достық қарым-қатынасқа, сыйластыққа тәрбиелеу.

Ақтөбе медресе колледжінің кітапханасында “Пайғамбарлар тарихы” тақырыбында сайыс өткізілді.Білім сайысында аясында И22/9«А», И22/9«Б» шәкірттерінен құралған «Аңсар», «Ихсан» топтары білімдерін паш етіп, бақ сынасты.